သင့်လုပ်ငန်းခွင်အတွက် စိတ်ပိုင်းဆိုင်ရာထောက်ပံ့မှု လိုအပ်နေတာသိနိုင်မယ့် လက္ခဏာ (၅) ချက်.....
- Honest Hour
- Apr 30
- 1 min read
သင့်လုပ်ငန်းခွင်အတွက် စိတ်ပိုင်းဆိုင်ရာ ပံ့ပိုးမှု လိုအပ်နေတဲ့ လက္ခဏာ ၅ ချက်
မြန်မာလူမျိုးတွေရဲ့ အလုပ်ခွင်မှာ "စိတ်ဓာတ်ခိုင်မာရမယ်၊ သည်းခံရမယ်" ဆိုတဲ့ ယူဆချက်ကြောင့် စိတ်ဖိစီးမှုတွေကို ဖွင့်မပြောဘဲ သည်းခံတတ်ကြပါတယ်။ ဒါပေမယ့် မပြောပြတတ်တဲ့ စိတ်ဒဏ်ရာတွေက ကိုယ့်ရဲ့လုပ်ငန်းခွင် စွမ်းဆောင်ရည်ကို ထိခိုက်စေနိုင်ပါတယ်။
သင့်လုပ်ငန်းခွင်မှာ ဒီလိုလက္ခဏာတွေတွေ့ရင် စိတ်ပိုင်းဆိုင်ရာ ပံ့ပိုးမှု လိုအပ်နေပါပြီ -
၁။ အလုပ်ပျက်လာခြင်း (အချိန်မမှန်/အကြောင်းပြချက်မရှိ အလုပ်မလာတော့ခြင်း)
မြန်မာလူမျိုးတွေဟာ ကိုယ်ရေးကိုယ်တာပြဿနာတွေကို အလုပ်ခွင်မှာ ဖွင့်မပြောတတ်ကြပါဘူး။ ဒါကြောင့် ရုတ်တရက် အလုပ်ပျက်လာတာ၊ အချိန်မမှန်ဖြစ်လာတာတွေက စိတ်ဖိစီးမှုရဲ့ လက္ခဏာဖြစ်နိုင်ပါတယ်။
၂။ ပုံမှန်ထက် စကားနည်းသွားခြင်း (အထီးကျန်လာခြင်း)
လုပ်ငန်းခွင် အဖွဲ့အစည်းတွေမှာ ရင်းနှီးပျော်ရွှင်တဲ့ ပတ်ဝန်းကျင်ကို ဦးစားပေးကြပါတယ်။ အကယ်၍ ပုံမှန်စကားများတဲ့ သူဟာ ရုတ်တရက် တိတ်ဆိတ်သွားတယ်၊ အထီးကျန်နေသလိုဖြစ်နေတယ်ဆိုရင် သူတို့မှာ စိတ်ဖိစီးမှု (သို့) ပြဿနာတစ်ခုခုရှိနေနိုင်ပါတယ်။
၃။ အလွယ်တကူ စိတ်တိုလာခြင်း (အငြင်းအခုန်များလာခြင်း)
မြန်မာယဉ်ကျေးမှုမှာ "တစ်ဦးနဲ့တစ်ဦး မျက်နှာမပျက်အောင်" ထိန်းသိမ်းဖို့ အရေးကြီးတာကြောင့် ချက်ချင်းဒေါသထွက်တာမျိုး ရှားပါတယ်။ ဒါပေမယ့် အဖွဲ့အတွင်း စိတ်တိုလွယ်တာ၊ အငြင်းအခုန်များလာတာတွေက စိတ်ဖိစီးမှုများနေတဲ့ လက္ခဏာဖြစ်နိုင်ပါတယ်။
၄။ အလုပ်တွေ ပုံမှန်အတိုင်း မပြီးတော့ခြင်း (စွမ်းဆောင်ရည်ကျဆင်းလာခြင်း)
ပုံမှန်အားဖြင့် ယုံကြည်ရတဲ့ ဝန်ထမ်းတစ်ယောက်ဟာ အလုပ်နှောင့်နှေးလာတယ်၊ အမှားတွေများလာတယ်ဆိုရင် သူတို့မှာ စိတ်ပင်ပန်းနွမ်းနယ်မှု (Burnout) ဖြစ်နေနိုင်ပါတယ်။ မြန်မာလူမျိုးတွေက အခက်အခဲကို "သည်းခံပြီး ဖြတ်ကျော်တတ်"ကြပေမယ့် တစ်ချိန်ချိန်မှာ ဒါဟာ back fire ဖြစ်ပြီး ထိခိုက်လာနိုင်ပါတယ်။
၅။ ကိုယ်ခန္ဓာ ပင်ပန်းနွမ်းနယ်နေခြင်း (ကျန်းမာရေးထိခိုက်လာခြင်း)
အလုပ်ကြောင့် "ခေါင်းကိုက်တယ်"၊ "အစာအိမ်နာတယ်" စတဲ့ လက္ခဏာတွေ ခဏခဏဖြစ်လာရင် စိတ်ဖိစီးမှုကြောင့်ဖြစ်နိုင်ပါတယ်။ မြန်မာလူမျိုးတွေက ဒါကို "အလုပ်ပင်ပန်းလို့" ဆိုပြီး လျှော့ပေါ့ပြောတတ်ပေမယ့် ရေရှည်မှာ ကျန်းမာရေးကို ဆိုးရွားစွာ ထိခိုက်စေနိုင်ပါတယ်။
ဒီလိုလက္ခဏာကို ကိုယ့်ရဲ့ ဝန်ထမ်းဘယ်လိုကူညီပေးမလဲ?
တစ်ဦးချင်းစီ ဂရုစိုက်ပါ – "စိတ်ဖိစီးနေလား?" လို့ သီးသန့်မေးပါ။
စကားနားထောင်ပေးပါ – ဘေးကင်းတဲ့ နေရာဖန်တီးပေးပြီး ပြောဖို့ဖိတ်ခေါ်ပါ။
အလုပ်ဖိအားလျှော့ပေးပါ – လိုအပ်ရင် အနားယူဖို့ အချိန်ပေးပါ။
အဖွဲ့လိုက်လုပ်ဆောင်လို့ရမယ့် Fun activities လေးတွေဖန်တီးပါ – "ထမင်းဝိုင်း" အတူစားခြင်း၊ ရယ်မောဖွယ်စကားများဖလှယ်ခြင်းဖြင့် စိတ်ဖိစီးမှုလျှော့ချပါ။
နားလည်မှုနဲ့ ဦးဆောင်ပါ – "မေတ္တာ" နဲ့ ဂရုစိုက်ပါ။
Comments