Avoidant Attachment Style ဆိုတာ ဘာလဲ?
- Honest Hour
- Apr 26
- 1 min read
“ငါ့ကိုချစ်တာမှဟုတ်သေးရဲ့လားဆိုတဲ့မေးခွန်းကို ခဏခဏ မေးခြင်းခံရတဲ့ “Avoidant Attachment Style”
Avoidant Attachment ဆိုတာ Relationship တစ်ခုမှာ တစ်ဖက်လူနဲ့ စိတ်ချင်းနီးကပ်လာမှုကို မသက်သာသလို ခံစားရပြီး Emotional Distance (စိတ်ခံစားချက်အရ အကွာအဝေးတစ်ခု) ထားရှိချင်တဲ့ အမူအကျင့်တစ်ခု ဖြစ်ပါတယ်။
Psychology အရ ဒီ Attachment Style ဟာ ငယ်စဉ်ကလေးဘဝက (Caregiver) နဲ့ ဆက်ဆံရေးအပေါ် အခြေခံပြီး ဖြစ်ပေါ်လာတတ်ပါတယ်။
Avoidant Attachment ရှိသူတွေဟာ "ငါ့အတွက် ဘယ်သူမှမလိုဘူး၊ ငါ့ဘာသာငါ နေလို့ရတယ်" ဆိုတဲ့ “အလွန်အကျွံ ကိုယ့်ကိုယ်ကိုယ်ပဲ အားကိုးလိုစိတ်” mindset နဲ့ ဆက်ဆံရေးတွေကို တည်ဆောက်လေ့ရှိကြပါတယ်။
Avoidant Attachment ရဲ့ အဓိကလက္ခဏာတွေကတော့...
Emotional Closeness ကို ရှောင်ကြဉ်တာမျိုးတွေ
Relationship တစ်ခု ပိုပြီး နက်ရှိုင်းလာလေလေ၊ မလုံခြုံသလို ခံစားရပြီး သူတို့တွေဟာ အဝေးကို ရုန်းထွက်ချင်လာတတ်ပါတယ်။
လွတ်လပ်မှုကို အလွန်အမင်း တန်ဖိုးထားခြင်း
"ငါ့ကိုယ်ငါပဲ အားကိုးရမယ်" ဆိုတဲ့ ခံယူချက်ပြင်းထန်ပြီး တစ်ဖက်လူအပေါ် မှီခိုရမှာကို ကြောက်ရွံ့တတ်ပါတယ်။
ခံစားချက်များကို ဖော်ပြရန် ခက်ခဲခြင်း
ကိုယ့်ရဲ့အတွင်းစိတ် ခံစားချက် တွေကို တစ်ဖက်လူကို ဝေမျှဖို့ ဝန်လေးတတ်ပါတယ်။
Withdrawal Issue
ပြဿနာတစ်ခုခုဖြစ်လာရင် ဖြေရှင်းမယ့်အစား Silent Treatment ပေးတာမျိုး ဒါမှမဟုတ် လူချင်းခွာလိုက်တာမျိုး ပြုလုပ်တတ်ပါတယ်။
နောက်တစ်ချက်ကတော့ ကိုယ့်ရဲ့ အားနည်းချက် ဒါမှမဟုတ် နုညံ့တဲ့စိတ်ကို ပြသရမှာကို မလုံခြုံသလို ခံစားရတာကြောင့် အမြဲတမ်း အကာအကွယ်တံတိုင်း တွေ ခံထားတတ်ကြပါတယ်။
ဘာကြောင့် Avoidant Attachment ဖြစ်လာရတာလဲ?
အများအားဖြင့် ငယ်စဉ်ကလေးဘဝ အတွေ့အကြုံ တွေကြောင့် အဖြစ်များတတ်ပါတယ်။
ဥပမာ -
→မိဘတွေနဲ့ စိတ်ခံစားချက်ခြင်း နီးနီးကပ်ကပ်မဖြစ်ခဲ့တာ၊ မိဘတွေနဲ့ close relationship မရခဲ့တာမျိုး
→ကလေးဘဝက လိုအပ်ချက်များကို လျစ်လျူရှုခံရခြင်း
→"မငိုနဲ့၊ အားတင်းထား" ဆိုတဲ့ ခံစားချက်ကို ဖိနှိပ်ခိုင်းတဲ့ ပတ်ဝန်းကျင်မှာ ကြီးပြင်းလာရခြင်း။
→ခံစားချက်ကို ထုတ်ဖော်ပြောဆိုခြင်းကို အားမပေးတဲ့ ပတ်ဝန်းကျင်မှာကြီးပြင်းလာရခြင်း ကြောင့် ဖြစ်တတ်ပါတယ်။
→ဒီလို အခြေအနေတွေကြောင့်ပဲ သူတို့ရဲ့ Subconscious mind (မသိစိတ်) ထဲမှာ "ဘယ်သူ့ကိုမှ အားကိုးလို့မရဘူး၊ ကိုယ့်ကိုယ်ကိုယ်ပဲ အားကိုးရမယ်" ဆိုတဲ့ ယုံကြည်ချက် ကိန်းအောင်းသွားတာ ဖြစ်ပါတယ်...
Relationship ထဲမှာ ဘယ်လို သက်ရောက်မှုရှိလဲ?
Avoidant Attachment ရှိသူနဲ့ လက်တွဲရတဲ့အခါ...
→Commitment Issue တို့
→နီးကပ်လွန်းလာရင် အသက်ရှူကျပ်သလို ခံစားရပြီး ခပ်စိမ်းစိမ်း ပြန်နေတတ်တဲ့အမူအကျင့်တို့
→တစ်ခါတလေ Mixed Signals ဖြစ်သွားတာတွေပေါ့၊ တခါကျရင် အရမ်းချစ်ပြပြီး၊ တစ်ခါတလေကျတော့လည်း လုံးဝ သူစိမ်းလို ဖြစ်သွားတာမျိုးတွေ
ဒါကြောင့် သူတို့ရဲ့ Partner တွေမှာ "သူ တကယ်ရော ငါ့ကိုချစ်ရဲ့လား?" ဆိုတဲ့ သံသယနဲ့ Confusion တွေ မကြာခဏ ဖြစ်ပေါ်စေပါတယ်။
သိထားသင့်တဲ့ အချက် ကတော့ Avoidant Attachment ရှိနေခြင်းဟာ "မချစ်တတ်တာ" မဟုတ်ပါဘူး။ သူတို့ဟာ စိတ်ထဲမှာ -
အနာကျင်မခံချင်တာ
ကိုယ့်ကိုယ်ကိုယ် ထိန်းချုပ်နိုင်စွမ်း မဆုံးရှုံးချင်တာ
ရင်ဖွင့်ပြရမှာကို လက်တွန့်တက်တာတွေ ကြောင့်သာ ဖြစ်ပါတယ်။
သတင်းကောင်းကတော့...
ကိုယ့်မှာပဲဖြစ်ဖြစ်၊ ကိုယ့်ရဲ့ partner မှာ ဒီလို Avoidant Attachment နဲ့ပက်သက်တဲ့ ပြဿနာလေးတွေရှိနေပြီဆိုရင်
Therapy ခံယူခြင်း၊ Self-awareness ရှိခြင်းနဲ့ နားလည်မှုရှိတဲ့ Healthy Relationship တွေကတစ်ဆင့် ပိုမိုခိုင်မာတဲ့ Secure Attachment တစ်ခုဖြစ်အောင် ပြောင်းလဲ တည်ဆောက်သွားလို့ ရပါတယ်ရှင်..
Comments