Depression (စိတ်ကျရောဂါ) ခံစားနေရပြီလား?

Depression (စိတ်ကျရောဂါ) ဆိုတာ ဘယ်လိုမျိုးလဲ⁉️

Depression (စိတ်ကျရောဂါ) ဆိုတာ လူတိုင်းမှာ ဖြစ်ပေါ်ခံစားရနိုင်ပြီး အတွေ့ရများတဲ့ စိတ်ပြဿနာတစ်ခုဖြစ်ပါတယ်။ Depression ခံစားရတဲ့အခါ ကိုယ်လုပ်နေတဲ့ အရာတွေအပါ်မှာ စိတ်ဝင်စားမှု၊ ပျော်ရွှင်မှု မရှိတော့ခြင်း၊၊ စိတ်ဓာတ်ကျခြင်း၊ ဘာကိုမှာ လုပ်ချင်ကိုင်ချင်စိတ် ရှိမနေတော့ခြင်းတို့ ခံစားနေရတတ်ပြီး နေ့စဥ်ဘဝမှာ ခက်ခဲလာတာမျိုးတွေ ဖြစ်နေတတ်ပါတယ်။ 

Depression (စိတ်ကျရောဂါ)  ဘာကြောင့် ခံစားရတာလဲ❓

နေ့စဥ်ဘဝမှာ ရှင်သန်လှုပ်ရှားနေရင်း ကြုံတွေ့ရတဲ့ စိတ်ဖိစီးရတဲ့ အခြေအနေတွေ၊ အမျိုးမျိုးသော စိတ်ပိုင်းဆိုင်ရာ သော်လည်းကောင်း၊ physical/emotional abuse လုပ်ခံရတာမျိုးတွေနဲ့၊ ပြင်းထန်တဲ့ ဆုံးရှုံးမှုတွေ၊ ကျရှုံးမှုတွေ နဲ့ ရင်ဆိုင်ကြုံတွေ့ရတဲ့အခါ စိတ်ထဲမှာ Depression လို့ခေါ်တဲ့ စိတ်ကျရောဂါဟာ ပေါက်ဖွားလာတတ်ပါတယ်။ 

📌 အဲ့ဒီ စိတ်ကျရောဂါဟာ လူတစ်ယာက်ရဲ့ စိတ်ခံစားချက်တွေ၊ အတွေးတွေ၊ ရုပ်ပိုင်းဆိုင်ရာနဲ့ အပြုအမူပိုင်းဆိုင်ရာတွေ အပါ်မှာ အမျိုးမျိုးသက်ရောက် ခံစားရစေပါတယ်။ 

📌Depression ခံစားရတဲ့အခါ လူတစ်ယောက်ရဲ့ emotion(စိတ်ခံစားချက်) တွေဟာ 

🔸စိတ်အတတ်အကျ များစွာ ခံစားရတတ်ပြီး

🔸ပျော်ရွှင်တဲ့ စိတ်ခံစားချက် ပျောက်ဆုံးခြင်း၊

🔸အလွန် ဝမ်းနည်းပူဆွေးခြင်း၊

🔸စိတ်ပျက်လက်ပျက်ဖြစ်နေပြီး ဘာကိုမှ စိတ်မပါခြင်း၊

🔸အကြောင်းအရင်းမရှိ စိတ်တိုလွယ်လာခြင်း၊

🔸မကောင်းမြင်တဲ့ စိတ်တွေကြီးစိုးလာပြီး ကိုယ့်ကိုယ်ကို အပြစ်တင်လာခြင်း၊

🔸စိတ်ဖိစိီးမှုတွေ၊ စိုးရိမ်ပူပန်မှုတွေနဲ့ ရင်ဘက်ထဲ တင်းကြပ်ကြပ်ခံစားရခြင်းတို့ ဖြစ်ပေါ်နိုင်ပါတယ်။ 

📌Depression ဟာ လူတစ်ယောက်ရဲ့ အတွေးတွေအပေါ်မှာလည်း မကောင်းတဲ့ သက်ရောက်မှုတွေနဲ့ လွှမ်းမိုးထားနိုင်ပါသေးတယ် 💭

Depression ခံစားနေရတဲ့အခါ 

🔸မကောင်းမြင်တဲ့ အတွးတွေ၊ အပြစ်မြင်တဲ့ အတွေးတွေ များလာတဲ့အပြင် 

ပိုပြီးပြင်းထန်းစွာ ခံစားလာရတဲ့အခါ

 🔸ကိုယ့်ကိုယ်ကို ထိခိုက်အောင်လုပ်လိုတဲ့ အတွေးတွေ၊ suicidal thought လိုအတွေးတွေ ဝင်လာတတ်ပါတယ်။ 

📌ဒါ့အပြင် ရုပ်ပိုင်းဆိုင်ရာ ကျန်းမာရေးကိုလည်း ထိခိုက်မှုတွေ ပေးနိုင်ပါသေးတယ်…..

🔸စိတ်ကျရောဂါကြောင့် 

အိပ်မပျော်ခြင်း (သို့) အိပ်လိုက်နိုးလိုက်ဖြစ်ခြင်း၊

🔸အစာစားတဲ့ ပုံစံပြောင်းလဲလာခြင်း

🔸အားအင်ကုန်ခမ်းပြီး ပင်ပန်းနွမ်းနယ်မှုကို ခံစားရခြင်း၊

🔸Motivation ပျောက်ဆုံးပြီး ဘာကိုမှ လုပ်ချင် ကိုင်ချင်စိတ် မရှိခြင်း၊ 

🔸အစာအိမ်နာခြင်း၊ အသက်ရှူကြပ်ခြင်း 

စတဲ့ ရုပ်ပိုင်းဆိုင်ရာ ဝေဒနာတွေ ခံစားရခြင်းတို့ ဖြစ်ပေါ်တတ်ပါတယ်။ 

📌စိတ်ကျရောဂါ ခံစားနေရတဲ့ သူတစ်ယောက်ဟာ ပုံမှန်အားဖြင့် ဒီလိုမျိုး အပြုအမူတွေလည်း ပြောင်းလဲ ခံစားလာရတတ်ပါတယ်…..

🔸စိတ်ရှည်မှုလျော့ပါးလာခြင်း၊

🔸ဘာကိုမှ လုပ်ချင်ကိုင်ချင်စိတ်မရှိတာကြောင့် လှုပ်ရှားမှုနည်းပါးလာခြင်း၊

🔸လူတွေနဲ့ ပေါင်းသင်းဆက်ဆံရမှာ စိတ်မပါတော့ခြင်း၊ 

🔸လူမှုဆက်ဆံရေးများကို ရှောင်ကြဥ်ခြင်း၊ 

စတဲ့ အပြုအမူလေးတွေ ပြောင်းလဲလာတတ်ပါတယ်။

#honesthour 

#counselling_services

#selfcare

#Depression